ରାଉରକେଲା ଆରପିଏଫ୍ ଥାନା ଅଧିକାରୀ ଶିବ ଲହରୀ ମୀନା ନିଲମ୍ବିତ

ରେଳ ସୁରକ୍ଷା ବଳ ଆଇଜି ସଞ୍ଜୟ ମିଶ୍ରଙ୍କ ଚଳଚ୍ଚିତ୍ର ଢାଞ୍ଚାରେ ଅପରେସନର ପ୍ରଭାବ

ଚକ୍ରଧରପୁର ରେଳ ମଣ୍ଡଳ ଅଧିନରେ ରାଉରକେଲା ଆରପିଏଫ ଥାନା ଅଧିକାରୀ ଶିବ ଲହରୀ ମୀନାଙ୍କୁ ନିଲମ୍ବିତ କରାଯାଇଛି। ଦକ୍ଷିଣ ପୂର୍ବାଞ୍ଚଳ ରେଳବାଇ ଯୋନ୍‌ର ଆରପିଏଫ୍ ଆଇଜି ସଞ୍ଜୟ କୁମାର ମିଶ୍ର ତାଙ୍କୁ ନିଲମ୍ବିତ କରିଛନ୍ତି। ଆଇଜି ଶ୍ରୀ ମିଶ୍ର ମଙ୍ଗଳବାର ଚଳଚ୍ଚିତ୍ର ଢାଞ୍ଚାରେ ଛଦ୍ମବେଶରେ ରାଉରକେଲା ଷ୍ଟେସନକୁ ଆସିଥିଲେ | ଏହା ପରେ ରାଉରକେଲା ଷ୍ଟେସନରେ ଚାଲିଥିବା ବେଆଇନ କାର୍ଯ୍ୟକଳାପ ସମ୍ପର୍କରେ ନିଜେ ତଦାରଖ ଓ ଯାଞ୍ଚ କରିଥିଲେ। ଏ ସମ୍ପର୍କରେ ରେଳ ସୁରକ୍ଷା ବଳ ଅଧିକାରୀଙ୍କ ସୂଚନା ଦିଆଯାଇ ନଥିଲା। ଷ୍ଟେସନରେ ଚାଲିଥିବା ବେଆଇନ କାର୍ଯ୍ୟକଳାପ ଦେଖି ସେ ଥାନା ଅଧିକାରୀ ଶ୍ରୀ ମୀନାଙ୍କ ନିଲମ୍ବନ ଆଦେଶ ଦେଇଥିଲେ। ମଙ୍ଗଳବାର ବିଳମ୍ବିତ ସନ୍ଧ୍ୟାରେ ଏ ସମ୍ପର୍କରେ ସୂଚନା ଆସିଥିଲା। ଶ୍ରୀ ମିଶ୍ର ଥାନା ଅଧିକାରୀଙ୍କ ବେଆଇନ କାର୍ଯ୍ୟକଳାପ ସମ୍ପର୍କରେ ଜାଣିବା ପରେ ତାଙ୍କି ଭର୍ତ୍ସନା  କରିବା ସହିତ ନିଲମ୍ବନ ଆଦେଶ ଦେଇଥିଲେ। ସୂଚନା ମୁତାବକ ଶ୍ରୀ ମୀନାଙ୍କୁ ନିଲମ୍ବିତ କରାଯିବା ସହ ତାଙ୍କୁ କ୍ରଧରପୁର ରେଳ ମଣ୍ଡଳ ମୁଖ୍ୟାଳୟ ସହିତ ସଂଲଗ୍ନ କରାଯାଇଛି | ଗତ ପ୍ରାୟ ପ୍ରାୟ ଅଢେଇଇ ବର୍ଷ ଧରି ଶ୍ରୀ ମୀନା ରାଉରକେଲା ଷ୍ଟେସନରେ ଥାନା ଅଧିକାରୀ ଭାବେ କାର୍ଯ୍ୟରତ ଥିଲେ। ତାଙ୍କ କାର୍ଯ୍ୟକାଳ ସମୟରେ ରେଳ ଷ୍ଟେସନ ପରିସରରେ ବେଆଇନ ଖାଦ୍ୟ ବିକ୍ରୟ ସହିତ ଅନ୍ୟାନ୍ୟ ବେଆଇନ କାର୍ଯ୍ୟ ଯୋରସୋରରେ ଚାଲୁଥିବା ଅଭିଯୋଗ ହୋଇଆସୁଥିଲା।

ସୂଚନାନୁସାରେ, ଚକ୍ରଧରପୁର ରେଳ ମଣ୍ଡଳ ଅନ୍ତର୍ଗତ ରେଳ ସୁରକ୍ଷା ବଳ ବିଭାଗରେ ଅନେକ ଅଧିକାରୀ ଏବଂ ଜବାନ ଏକାଧିକ ବେଆଇନ କାର୍ଯ୍ୟରେ ଲିପ୍ତ ଥିବା ଅଭିଯୋଗ ହେଉଛି। ଏଥିମଧ୍ୟରୁ ସର୍ବାଧିକ ଅଭିଯୋଗ ରାଉରକେଲା ଅଞ୍ଚଲର ବୋଲି ଜଣାପଡ଼ିଛି। ଆରପିଏଫ ଆଇଜି ସଞ୍ଜୟ କୁମାର ମିଶ୍ର ଏସବୁ ଉପରେ ନଜର ରଖିଥିବା ଜଣାଯାଇଛି। ଆଗକୁ ଏ ନେଇ କିଛି ଗୁରୁତ୍ୱପୂର୍ଣ୍ଣ ପଦକ୍ଷେପ ନିଆଯିବାର ସମ୍ଭାବନା ରହିଛି।