ଏସ୍‌ୟୁସିଆଇ କମ୍ୟୁନିଷ୍ଟ ଦଳ ସୁନ୍ଦରଗଡ଼ ଜିଲ୍ଲା କମିଟି ପକ୍ଷରୁ କମ୍ରେଡ ଅହିନ୍ଦ୍ର ମହାନ୍ତିଙ୍କ ସ୍ମୃତିରେ ଶୋକସଭା ଆୟୋଜିତ ହୋଇଯାଇଛି। ସେକ୍ଟର-୫ ସ୍ଥିତ କଲ୍‌ଚରାଲ ଏକାଡେମୀ ପରିସରରେ ହୋଇଥିବା ଏହି କାର୍ଯ୍ୟକ୍ରମ ଏସ୍‌ୟୁସିଆଇ ନେତ୍ରୀ ଛବି ମହାନ୍ତିଙ୍କ ଅଧ୍ୟକ୍ଷତାରେ ହୋଇଥିଲା।

ଏଥିରେ ବରିଷ୍ଠ ଶ୍ରମିକ ନେତା ସତ୍ୟପ୍ରିୟ ମହାନ୍ତି, ଅଜିତ ମହାନ୍ତି ଏବଂ ଅନ୍ୟମାନେ ଉପସ୍ଥିତ ରହି କମ୍ରେଡ  ଅହିନ୍ଦ୍ରଙ୍କ ସ୍ମୃତିଚାରଣ କରିଥିଲେ। ଏଥିରେ ବିଭିନ୍ନ ବର୍ଗର ବ୍ୟକ୍ତିମାନେ ଉପସ୍ଥିତ ଥିଲେ।