ଲାଏନ୍ସ ଚକ୍ଷୁ ଚିକିତ୍ସାଳୟ ପକ୍ଷରୁ ନିଃଶୁକ୍ଳ ଚକ୍ଷୁ ପରୀକ୍ଷା ଓ ଚିକିତ୍ସା ଶିବିର ଆୟୋଜିତ

ରାଉରକେଲାରେ ଅନେକ ବର୍ଷ ଧରି କାର୍ଯ୍ୟ କରିଆସୁଥିବା ଲାଏନ୍ସ ବେଦବ୍ୟାସ ଚକ୍ଷୁ ଚିକିତ୍ସାଳୟରେ ବୁଧବାଦ ଏକ ନିଃଶୁକ୍ଳ ଚକ୍ଷୁ ପରୀକ୍ଷା ଓ ଚିକିତ୍ସା ଶିବିର ଆୟୋଜିତ ହୋଇଯାଇଛି। ସଙ୍ଗଠନର ଅଧ୍ୟକ୍ଷ ରାଷ୍ଟ୍ରପତି ସୁରେଶ କେଜ୍ରିୱାଲଙ୍କ ଅଧ୍ୟକ୍ଷତାରେ ଏଥିପାଇଁ ଆଖପାଖ ବିଭିନ୍ନ ଅଞ୍ଚଳରୁ 69 ରୋଗୀଙ୍କୁ ଚିକିତ୍ସାଳୟକୁ ଅଣାଯାଇଥିଲା। ଏହାପରେ ସେମାନନଙ୍କ ଚକ୍ଷୁର ଆବଶ୍ୟକୀୟ ଚିକିତ୍ସା ଓ ଅସ୍ତ୍ରୋପଚାର ହୋଇଥିଲା। ଏହା ସହିତ ସେମାନଙ୍କୁ ଆବଶ୍ୟକୀୟ ଔଷଧ ଓ ଅନ୍ୟାନ୍ୟ ସହାୟତା ଦିଆଯାଇଥିଲା। ଏହି କାର୍ଯ୍ୟକ୍ରମ ପାଇଁ ଆର୍ଥିକ ସହାୟତା ଦେଇଥିଲେ ରାଉଣ୍ଡ ଟେବୁଲ୍ ଏବଂ ଲେଡିଜ୍ ସର୍କଲ୍ ସଙ୍ଗଠନ। ଏହି ସଙ୍ଗଠନର ସଭାପତି ହର୍ଷବର୍ଦ୍ଧନ ଗର୍ଗ, ଗୁରୁଦୀପ ସାଲୁଜା ଏବଂ ଜୟଭିନ କୌରଙ୍କୁ ସମ୍ମାନିତ କରାଯାଇଥିଲା। ଏହା ବ୍ୟତୀତ ସଂଜୟ ଅଗ୍ରୱାଲ,  ଅଲ ଇଣ୍ଡିଆ ଅଗ୍ରୱାଲ ସମ୍ମିଳନୀର ସଭାପତି ଚନ୍ଦ୍ରା ବନସଲ ଏବଂ ଖୁସବୁ ମୋଦୀ, ସୋନୁ ବନସାଲ,  ସୃଷ୍ଟି ଟ୍ରେଡିଙ୍ଗ୍‌ର ପ୍ରଭାକର ଅଗ୍ରୱାଲ ସାନ୍ତୋଶ ଜୟସ୍ୱାଲ  ଏବଂ ଚାଟାର୍ଡ ଆକାଉଣ୍ଟାଣ୍ଟ ପବନ ଅଗ୍ରୱାଲ,   ବିକାଶ ବିନ୍ଦଲ, ତାରସେମ ଗୋୟଲଙ୍କୁ ମଧ୍ୟ ଆର୍ଥିକ ସହାୟତା ପାଇଁ ସମ୍ମାନିତ କରାଯାଇଥିଲା। ଏହି କାର୍ଯ୍ୟକ୍ରମକୁ ଚକ୍ଷୁ ଚିକିତ୍ସାଳୟ ପରିଚାଳନା ସମିତିର ଉପାଧ୍ୟକ୍ଷ ସତୀଶ ଗୌତମ, ବବ୍ବନ ଗୋଏଲ, ରାଜେଶ ଅଗ୍ରୱାଲ, ସଞ୍ଜୟ ଅଗ୍ରୱାଲ ଏବଂ ଲାଏନ୍ସ କ୍ଲବ୍‌ ବେଦବ୍ୟାସର ଅଧ୍ୟକ୍ଷ ସୁଷମା ସାରଦା, ସଚିବ ଉଷା ସାଙ୍ଗଭି, କୋଷାଧ୍ୟକ୍ଷ ଶଶି ଅଗ୍ରୱାଲ, ପୂର୍ବତନ ଅଧ୍ୟକ୍ଷ ଅତୁଲ ସାଙ୍ଗଭି ପ୍ରମୁଖ ପରିଚାଳନା କରିବାରେ ସହଯୋଗ କରିଥିଲେ।

ଏହି ଅବସରରେ ସୁରେଶ କେଜ୍ରିୱାଲ ଚକ୍ଷୁ ଚିକିତ୍ସା ସମ୍ପର୍କରେ ସୂଚନା ଦେଇ ଏହି ସପ୍ତାହରେ ଆମେ ଗ୍ରାମ ପରିଦର୍ଶନ କରି ୫ ଟି ଚକ୍ଷୁ ସ୍କ୍ରିନିଂ କ୍ୟାମ୍ପ ଆୟୋଜନ କରିଛୁ ବୋଲି ସୂଚନା ଦେଇଥିଲେ। ଏହା ସହିତ  ଆମେ ବିଭିନ୍ନ ସ୍ଥାନକୁ ଯାଇ ଉନ୍ନତ ଚିକିତ୍ସା ପାଇଁ ଆର୍ଥିକ ଅନଗ୍ରସର ବ୍ୟକ୍ତିମାନଙ୍କୁ ହସ୍ପିଟାଲକୁ ଆଣି ଚିକିତ୍ସା ଜାରି ରଖିବୁ ବୋଲି ଶ୍ରୀ କେଜ୍ରିୱାଲ୍‌ କହିଛନ୍ତି। ସମ୍ପ୍ରତି ଲାଏନ୍ସ ଚକ୍ଷୁ ଚିକିତ୍ସାଳୟରେ ଅତ୍ୟାଧୁନିକ ଫେକୋ ମେସିନ୍ ଦ୍ୱାରା  ଚକ୍ଷୁର ଅସ୍ତ୍ରୋପଚାର କରାଯାଉଛି | ଏହା ସହିତ ଚିକିତ୍ସାଳୟରେ ଆଖିର ସ୍ୱଚ୍ଛ ପଟଳ ବା କର୍ଣ୍ଣିଆର ପରୀକ୍ଷା ଆରମ୍ଭ ହୋଇଛି | ଆସନ୍ତା ଦିନରେ  IOL ମାଷ୍ଟର ଦ୍ୱାରା ମଧ୍ୟ ଚକ୍ଷୁ ପରୀକ୍ଷା ବ୍ୟବସ୍ଥା ହସ୍ପିଟାଲ୍ରେ ଆରମ୍ଭ ହେବାକୁ ଯାଉଛି ବୋଲି ସୂଚନା ଦିଆଯାଇଛି।  ଏହା ବ୍ୟତୀତ ଏହି ଡାକ୍ତରଖାନାରେ ଦନ୍ତ ଚିକିତ୍ସା ମଧ୍ୟ କରାଯାଉଛି। ଅଳ୍ପ ଦିନ ମଧ୍ୟରେ ଏଠାରେ ଇଏନ୍‌ଟି ବା ନାଶା, ଗଳା ଓ କର୍ଣ୍ଣ ଚିକିତ୍ସା ମଧ୍ୟ ଆରମ୍ଭ ହେବ ବୋଲି ଏହି ଅବସରରେ ସୂଚନା ଦିଆଯାଇଛି।