ସୁନ୍ଦରଗଡ ଲେଖକ ସାମ୍ମୁଖ୍ୟ ପକ୍ଷରୁ ମାସିକ ସାହିତ୍ୟ ଆସର ଆୟୋଜିତ

ସୁନ୍ଦରଗଡ ଜିଲ୍ଲା ଲେଖକ ସାମ୍ମୁଖ୍ଯର ମାସିକ ସାହିତ୍ୟ ଆସର ଛେଣ୍ଡ ସ୍ଥିତ ମଧୁସୂଦନ ପାଠାଗାରଠାରେ ଅନୁଷ୍ଠିତ ହୋଇଯାଇଛି। ସାମ୍ମୁଖ୍ୟର ସଭାପତି ତଥା ବରିଷ୍ଠ ସାହିତ୍ୟିକ ଭୂପେନ ମହାପାତ୍ରଙ୍କ ସଭାପତିତ୍ବ ଓ ନିରୁପମା ପତି ଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ଇଂ ଅଭୟ କୁମାର ଦାସ ମୁଖ୍ୟ ଅତିଥି, ଅଧ୍ୟାପକ କରୁଣାକର ପାଟ୍ଟଶାଣୀ ମୁଖ୍ୟବକ୍ତା ଓ ଡଃ ଅନ୍ତର୍ଜିତା ନାୟକ ସମ୍ମାନିତ ବକ୍ତା ଭାବେ ଯୋଗଦେଇଥିଲେ। ଅତିଥିମାନେ ସେମାନଙ୍କ ବକ୍ତବ୍ୟରେ ସାହିତ୍ୟ ସମାଜର ପରିପୂରକ ବୋଲି କହିଥିଲେ । ସମାଜକୁ ଶୃଙ୍ଖଳିତ ଓ ଆନନ୍ଦମୟ କରିବାରେ ସାହିତ୍ୟର ଭୂମିକା ରହିଛି୤ ସେହିପରି ସାହିତ୍ୟ କିପରି ଆତ୍ମପ୍ରକାଶର ମାଧ୍ୟମ, ସୌନ୍ଦର୍ଯ୍ୟବୋଧ, ତ୍ୟାଗ ତିତିକ୍ଷା, ଜଗତର କଲ୍ୟାଣ କଥା ସମ୍ପର୍କରେ ଆଲୋଚନା କରାଯାଇଥିଲା । ଦ୍ୱିତୀୟ ପର୍ଯ୍ୟାୟରେ ଡଃ ଗୀତାଞ୍ଜଳୀ ପତ୍ରୀଙ୍କ ସଭାପତିତ୍ବରେ କବି ସୁଶାନ୍ତ କୁମାର ନାୟକ ଓ କନକଲତା ମିଶ୍ରଙ୍କ ସଂଯୋଜନାରେ ଆୟୋଜିତ ଏକ କବିତା ପାଠୋତ୍ସବ କାର୍ଯ୍ୟକ୍ରମରେ କୁଞ୍ଜବିହାରୀ ରାଉତ, ଗୀତାରାଣୀ ବେହେରା,ଅର୍ଚ୍ଚନା ପାତ୍ର, ସାର୍ଥକ ସାହୁ, ପ୍ରତାପ ପଣ୍ଡା, ସୁଚିସ୍ମିତା ଦାଶ,ଉର୍ବଶୀ ଦାଶପତି, କରୁଣାକର ପାଟ୍ଟଶାଣୀ, ନିରୁପମା ପତି ପ୍ରମୁଖ କବିତା ପାଠ କରିଥିଲେ୤ ଏଥିରେ ଅନ୍ୟମାନଙ୍କ ମଧ୍ୟରେ ପ୍ରଫୁଲ୍ଲ ସାମଲ, ଡଃ ରାମକୃଷ୍ଣ ବିଶ୍ବାଳ, ବିକ୍ରମ ଚନ୍ଦ୍ର ଆଚାର୍ଯ୍ୟ, ଅନିଲ ଦାଶ, ଡଃ କିଶୋରୀ ଦାଶ, କୁଳମଣି ଦାସ, ବିଜୟ କୁମାର ବରାଳ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ । ଶେଷରେ ସଭାପତି ଶ୍ରୀ ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।