ଆରଏସପିରେ ଅଗ୍ନିଶମ ସେବା ସପ୍ତାହ ପାଳନ ଉପଲକ୍ଷେ ବିବିଧ ପ୍ରତିଯୋଗିତା ଆୟୋଜିତ

ଆସନ୍ତା ଅଗ୍ନିଶମ ସେବା ସପ୍ତାହ ପାଳନ ଉପଲକ୍ଷେ ସେଲ ରାଉରକେଲା ଇସ୍ପାତ କାରଖାନା- ଆରଏସପିର ଅଗ୍ନିଶମ ବାହିନୀ ଦ୍ଵାରା ବିଭିନ୍ନ ଟ୍ରାକ୍ ଇଭେଣ୍ଟ, ଡ୍ରିଲ୍ ପ୍ରତିଯୋଗିତା ଏବଂ ଡ୍ରାଇଭିଂ କୌଶଳ ଦକ୍ଷତା ପରୀକ୍ଷା ଭଳି ଅନେକ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ସ୍ପ୍ରିଣ୍ଟ ଟ୍ରାକ ଇଭେଣ୍ଟରେ ଦୁଇ ବୟସ ଶ୍ରେଣୀରେ ବର୍ଗୀକୃତ ଅଗ୍ନିଶମ କର୍ମଚାରୀଙ୍କ ପାଇଁ ୧୦୦ ମିଟର ଏବଂ ୨୦୦ ମିଟର ଦୌଡର ଆୟୋଜନ କରାଯାଇଥିଲା। ୩୩ ଜଣ ଅଗ୍ନିଶମ ସେବା କର୍ମଚାରୀ ଚାଳିଶ ବର୍ଷରୁ କମ ବୟସ ବର୍ଗରେ ଅଂଶଗ୍ରହଣ କରିଥିଲେ ଏବଂ ସେମାନଙ୍କ ମଧ୍ୟରୁ ୧୦ ଜଣ ଚାଳିଶ ବର୍ଷରୁ ଉର୍ଦ୍ଧ୍ଵ ବୟସ ବର୍ଗରେ ଅଂଶଗ୍ରହଣ କରିଥିଲେ। ଡ୍ରାଇଭିଂ କୌଶଳ ପରୀକ୍ଷା ନୂତନ ନିଯୁକ୍ତି ପାଇଁ ସେମାନଙ୍କ ଜ୍ଞାନ ଏବଂ ବ୍ୟବହାରିକ ଆଧାର ବୃଦ୍ଧି ପାଇଁ ଉଦ୍ଦିଷ୍ଟ ଥିଲା।

ଏଥିରେ ଅଗ୍ନି ନିରାପତ୍ତା ଏବଂ ସଡକ ସୁରକ୍ଷା ଉପରେ ବିଶେଷ ଧ୍ୟାନ ଦେଇ ଗାଡି ଚାଳନା ନିୟମ ଏବଂ ନିୟମାବଳୀ ଉପରେ ଆଧାର କରି ଅଗ୍ନିଶମ ପୁରୁଷମାନଙ୍କୁ ଲିଖିତ ପରୀକ୍ଷା ସହିତ ମୌଖିକ ପରୀକ୍ଷା ସାମିଲ ଥିଲା। ଏହି ମୌଖିକ ପରୀକ୍ଷା ଏଫଏମ୍ଏମ୍ ବିଭାଗର ଏଜିଏମ୍ ସୁନୀଲ କୁମାର ଏବଂ ମାଷ୍ଟର ଟେକ୍ନିସିଆନଙ୍କ ସହିତ ଅଗ୍ନିସମ ସେଆ ଯାନବାହନ ରକ୍ଷଣାବେକ୍ଷଣ ଅଧିକାରୀ ରଞ୍ଜିତ ମହାନ୍ତି ପରିଚାଳନା କରିଥିଲେ। ମିଡଲି ଡ୍ରିଲ ପ୍ରତିଯୋଗିତାରେ ପାଞ୍ଚଟି ଦଳ ଅଂଶଗ୍ରହଣ କରିଥିଲେ। ସେଗୁଡ଼ିକ ହେଲା ସିଣ୍ଟର ଫାୟାର ଷ୍ଟେସନ, ଆଧୁନିକୀକରଣ ଫାୟାର ଷ୍ଟେସନ, ସିସିଡି ଫାୟାର ଷ୍ଟେସନ, ରୋଲିଂ ମିଲ୍ସ ଫାୟାର ଷ୍ଟେସନ ଏବଂ ପ୍ରତିଷେଧକ ବିଭାଗ ବିଭାଗୀୟ ଦଳ। ପ୍ରତ୍ୟେକ ଗୋଷ୍ଠୀର ସାତଜଣ ସଦସ୍ୟ ଥିଲେ ଏବଂ ଏଥିରେ ସର୍ବନିମ୍ନ ସମ୍ଭାବ୍ୟ ସମୟରେ ଅଗ୍ନି ନିର୍ବାପକ କାର୍ଯ୍ୟ ସହିତ ମୁକାବିଲା କରିବା ସମୟରେ ଉପଯୁକ୍ତ ସୁରକ୍ଷା ପଦକ୍ଷେପ ଗ୍ରହଣ କରିବାକୁ ହୋଇଥିଲା।

ବ୍ୟକ୍ତିଗତ ସୁରକ୍ଷା ଉପକରଣର ବ୍ୟବହାର, ଯାନବାହନ ଚଳାଚଳ ସହିତ ଅଗ୍ନି କଲ୍ ର ପ୍ରତିକ୍ରିୟା ସମୟ, ଅଗ୍ନି ହୋସ୍, ଶାଖା, କପଲିଂର ସଠିକ ଉପସ୍ଥାନ, ପାୱାର ଟ୍ରାନ୍ସଫର୍ମରର ସଂଯୋଗ, ଟାର୍ଗେଟ ହିଟିଙ୍ଗ, ସିଡିର ସଠିକ୍ ପୋଜିସନ୍, କଣ୍ଟ୍ରୋଲ ଅଧିକାରୀଙ୍କୁ ରିପୋର୍ଟ କରିବା ତଥା ଚୁଡାନ୍ତ କାର୍ଯ୍ୟଧାରା ଭଳି ବିଷୟ ଅନ୍ତର୍ଭୁକ୍ତ ଥିଲା । ଅଗ୍ନିଶମ ସେବା ବିଭାଗର ଭାରପ୍ରାପ୍ତ ମହାପ୍ରବନ୍ଧକ ଜୀବନ ବଲ୍ଲଭ ପଟ୍ଟନାୟକଙ୍କ ମାର୍ଗଦର୍ଶନ ତଥା ତତ୍ତ୍ବାବଧାନରେ ବିଭାଗର ସହକାରୀ ଅଧିକାରୀ ଶୁଭବ୍ରତ ସାହୁ କାର୍ଯ୍ୟକ୍ରମଗୁଡିକର ସଂଯୋଜନା କରିଥିଲେ।